მშობლიური მხარე

სოციალური  პროექტი

თემა:  მშობლიური მხარე

      პროექტის ხელმძღვანელი: სსიპ მცხეთის მუნიციპალიტეტის, სოფელი ციხისირის საჯარო სკოლის დაწყ/კლასების პედაგოგი: მარინა ჩანთარია

     პროექტის მონაწილენი:  მე-4 კლასის მოსწავლეები

პროექტის ხანგრძლივობა:  2018-19 სასწავლო წლის 10 მაისი -- 26 მაისი;

რესურსები: პროექტორი, ფოტოაპარატი, თაბახის ფურცლები, ინტერნეტი, კომპიუტრი, მიკროავტობუსი;

      პროექტის აქტუალურობა: 

 სამშობლო ყოველთვის იყო, არის და იქნება ყველა საღად მოაზროვნე ადამიანისათვის უპირველესი. ოდითგან, სწორედ სამშობლოს სიყვარულსა და მის ერთიანობას სწირავდა თავს უამრავი მამულიშვილი; სიყვარულით სავსე გულებით აშენებდნენ ქალაქებსა და სოფლებს, სწავლობდნენ, შრომობდნენ, ზრდიდნენ მომავალ თაობებს და უნერგავდნენ იგივეს, რასაც თვითონ განიცდიდნენ;

    დღესაც ,  სკოლიდანვე ეზიარება ბავშვი ამ სიყვარულს, რომელიც მთელი ცხოვრების მანძილზე გაჰყვება ხოლმე; მოსწავლეები, როგორც თეორიულად , ისე თავიანთი თვალით ეცნობიან(ექსკურსია, ლაშქრობა და სხვა)-  მშობლიურ მხარეს, სწავლობენ მის წარსულსა და აწმყოს, ზრუნავენ მის მომავალზე;

   მიმაჩნია, რომ პროექტის ფარგლებში ლაშქრობის, ექსკურსიის მოწყობა სხვადასხვა ადგილებში (მუზეუმში, თეატრში და სხვა ღირსშესანიშნაობების დასათვალიერებლად), ადრეული ასაკიდანვე დაეხმარება მოსწავლეებს, რათა უკეთ შეიცნონ მშობლიური მხარე, უფრო ახლოს გაიცნონ ჩვენი ქვეყანა;

      მიზანი: ე.ს.გ.

გრძელვადიანი მიზანი:  სამშობლოს ღირსშესანიშნავი ადგილების დათვალიერებით,  მოსწავლეებში პატრიოტული გრძნობის და ინტერესის გაღვივება სამშობლოს წარსულისადმი;

  

 ა მ ო ც ა ნ ა: ექსკურსიების, ლაშქრობების ფიტო და ვიდეო მასალის ასახვით, საკუთარი ჩანახატებითა და საინფორმაციო ბროშურების შექმნის გზით -- მშობლიური მხრეების, მისი კულტურის, სახელოვანი მამულიშვილების უკეთ გაცნობა;

 განსახორციელებელი ამოცანები:

       *   აგროვებს მონაცემებს განსხვავებული წყაროებიდან (მაგ. ფოტოები, ილუსტრაციები, უშუალი დაკვირვება; შედეგებს წარმოადგენს;

      *   აღწერს -- ლაშქრობაზე, ექსკურსიაზე ნანახს და წარმოადგენს ჩანახატის ან ბროშურის სახით;

      *  პროექტის მონიტორინგი და შეფასება:

      * პროექტის პრეზენტაცია;

 პროექტის მოკლე აღწერა:

   პროექტის თემისა და მიზნის გაცნობის შემდეგ, მოსწავლეებთან ერთად მასწავლებელი დაგეგმავს მიმდინარე ლაშქრობას ან  ექსკურსიას;  პროექტის შინაარსიდან გამომდინარე მოსწავლეები გააფორმებენ ბუკლეტებს შესაბამისი ჩანახატებით; 

  ლაშქრობაზე და ექსკურსიაზე გადაიღებენ ფოტოებს ღირსეშანიშნავი ადგილებისას, რომელსაც საჭიროდ ჩათვლიან;

   ინტერნეტში მოიძიებენ აღნიშნულ ადგილებს და სიღრმისეულად გაეცნობიან,  ბუკლეტებში მოინიშნავენ მათთვის საინტერესო ეპიზოდებს და დაუკავშირებენ თვალით ნანახს:

   შემდეგ კი მოხდება ერთმანეთთან შთაბეჭდილებების  გაზიარება , პრეზენტაცია და ურთიერთშეფასება;

მოსალოდნელი შედეგები:

  პროექტის მიმდინარეობისას მოსწავლეები შეძლებენ, თანამშრომლობითი უნარების, ტექნოლოგიების გამოყენების, ექსკურსიებებზე და ლაშქრობებზე გარემოსთან ურთიერთობის უნარ-ჩვევების განვითარებას;
   გაეცნობიან  იაკობ გოგებაშვილის ცხოვრებისა და მოღვაწეობის საინტერესო მასალებსა და ფაქტებს;

პროექტის მდგრადობა:

 პროექტი მდგრადია, ვინაიდან იგი არსებობას გააგრძელებს შემდეგშიც; მოსწავლეები კიდევ უფრო დაინტერესდებიან უკვე სხვა ადგილების ხილვით, საკუთარი სამშობლოს ტერიტორიაზე, რათა უკეთ შეიმეცნონ და ერთმანეთს გაუზიარონ შთაბეჭდილებები;

შედეგის მისაღწევი აქტივობები:

   

აქტივობა 1.

   პროექტის თემისა და მიზნის გაცნობისათვის მასწავლებელი გაკვეთილების შემდეგ შეხვდა მოსწავლეებს და ერთად დაგეგმეს ექსკურსია გამოჩენილი ქართველი მწერლის "დედაენის" ავტორის --  იაკობ გოგებაშვილის სახლ-მუზეუმის დასათვალიერებლად  -- სოფელ ვარიანში; მათ ეს იდეა გააცნეს მშობლებს და დათქვეს გამგზავრების თარიღი;

აქტივობა 2.

   გამგზავრებამდე რამდენიმე დღით ადრე მოსწავლეებს მასწავლებელმა უჩვენა დოკუმენტური ფილმი, რომელიც იაკობ გოგებაშვილის ცხოვრებას და მოღვაწეობას აღწერდა; შემდეგ გაიმართა მცირე დისკუსია ნანახის შესახებ კითხვა-პასუხის რეჟიმში;

აქტივობა 3.

     მოსწავლეებმა მასწავლებლის დახმარებით ინტერნეტით მოძიებული ფოტოები დაათვალიერებინეს დამსწრე, მოწვეულ სტუმრებს ( მშობლებს და მასწავლებლებლებს), რომელიც ასახავდა გოგებაშვილის სახლ- მუზეუმის ამსახველ ადგილებს;

აქტივობა 4.

  დათქმულ დღეს მიკროავტობუსით მასწავლებელი, მოსწავლეები და რამდენიმე მშობელი   გაემგზავრნენ სოფელ ვარიანში,  მოსწავლეებმა დაათვალიერეს იაკობ გოგე ბაშვილის სახლ-მუზეუმი,  ექსკურსიამძღოლმა  დეტალურად გააცნო მათ მუზეუმში საჩვენებლად გამოფენილი საგნები და  ესაუბრა იაკობის ცხოვრებასა და მოღვაწეობაზე, მის ქველმოქმედებაზე და შემოქმედაებაზე; მოსწავლეებმა შეავსეს გოგებაშვილის ისტორია ინტერნეტში მოძიებული მასალით.

ქტივობა 5.

    მოსწავლეებმა წარმოადგინეს საკუთარი ნამუშევრები , რომელიც მათ დამოუკიდებლად აწარმოეს პროექტის მსვლელობისას და კლასში მოაწყვეს მინი-მუზეუმი (ბუკლეტები ჩანახატებით გაფორმებული და ფოტო-სურათები) და გამართეს პრეზენტაცია;

პროექტის აქტივობები / მონიტორინგი:

1. თემისა და მიზნის გაცნობა

            10.05

2. დოკუმენტური ფილმის ჩვენება

            15.05

3.ინტერნეტით მოძიებული ფოტოებით და ჩანახატებით მინი- მუზეუმის მოწყობა კლასში:

            16.05-22.05

4.  ექსკურსია იაკობ გოგებაშვილის სახლ-მუზეუმში;

             25.05

5. ნამუშევრების პრეზენტაცია, შეფასება;

          

              26.05

შეფასების კრიტერიუმები:

       * მოსწავლეს შეუძლია მოპოვებული ინფორმაციის, რჩევების ადაპტირება და მათი ადეკვატური გამოყენება;

       * შესანიშნავად უგებს ჯგუფის წევრებს, თანამშრომლობს მათთან და ყოველთვის ღებულობს მონაწილეობას საერთო გადაწყვეტილების მიღებაში;

       * მოსწავლე უმიზეზოდ არ აცდენს შეხვედრებს, ყველა დავალებას დროულად ასრულებს, მისი სამუშაო რესურსები მოწესრიგებულია;
 

შ ე დ ე გ ი:

   *პროექტის ფარგლებში მოსწავლეებმა განივითარეს ტექნოლოგიების გამოყენებისა და  თანამშრომლობის,  გარემოსთან ურთიერთობის უნარ-ჩვევები;

   * დაათვალიერეს იაკობ გოგებაშვილის სახლ-მუზეუმი, თვალნათლივ იხილეს მწერლის ცხოვრებისა და მოღვაწეობის ამსახველი მასალა; აგრეთვე გაეცვნენ მუზეუმში ქცევის წესებს;

    *კლასში მოაწყვეს  მინიმუზეუმი, შთაბეჭდილების ამსახველი  ჩანახატებითა და ფოტოებით;
 
    * თითოეულ მათგანს დაეუფლა სიამაყის გრძნობა სამშობლოს წარსულის შესახებ;

პროექტის პასუხისმგებელი:  მარინა ჩანთაარია

სკოლის ადმინისტრაცია